قصص رعب الجزاا الاول 1

   

•    اول  حاجه ال بيخاف ميدخلش  

1. الجزء الاول وال حابب نكمل فى الكومنت 

القصه لصديقى وحبيبى محمود حجاج مش انا طبعا تشابه اسماء ^___ ^

احكيلو عن اكتر موقف حصلي بالفعل وخوفت فيه جدا
اولا انا من محافظه البحيره
من مدينه اسمها النوباريه ممكن تكونو تعرفوها
نبدأ بقا ..
ليا واحد صاحبي عندهم مزرعه بعيده عن المدينه بحوالي ساعه مشي عندهم بيت هناك وقاعدين فيها اليوم ده كان عيد ميلاده وكان لازم اروح خرجت من البيت الساعه 5 قبل المغرب وقولت همشي مشي وعملت حسابي اني مش اتأخر عشان الطريق وانا راجع وكان عندي مدرسه الصبح في الوقت ده كان عندي 16سنه مكانش معايا موبايل لسه اخدت نفسي ومشيت وصلت هناك 5:45بصراحه قضينا وقت جميل وضحكنا وهزرنا ببص في الساعه لقتها 9:15الوقت اخدني ونسيت ان المفرود متأخرش عشان الطريق وحش انتو اكيد عارفين طرق المزارع بيكون فيها شجر كتير وضلمه وكلاب وحجات تقلق كتير قولتله يا احمد الوقت اتأخر ولازم اروح عشان بابا اكيد قلقان قلي طيب هوصلك قولتله لا خليك انتا وانا هروح عشان الناس الي معاك دي اقعد معاهم بس ممكن تليفونك كنت حافظ رقم ابن عمي اتصلت عليه اكتر من اربع مرات مبيردش عشان كان يقابلني بالموتسكل في الطريق لان فعلا كنت خايف اروح بس مش عاوز اقول لصاحبي اديتلو الموبايل ومشيت لقيته بينادي عليا #محمووود بصتله ب استغراب بيقول محمود وهوا عاوز يحزرني من حاجه رديت عليه قالي بلاش تمشي من الطريق ده طيب قولتله ليه اشمعنا وصفلي طريق تاني بس خوفت امشي منه لان ده مشيت فيه اكتر من مره وعارف ايه الي فيه بس الفرق ان مشيت فيه في النهار مش في الليل

اخدت نفسي ومشيت وهوا دخل وبدأت هنا الافكار الي بتدور في دماغي الي ترعب وعمال افتكر الحجات الي بسمعها عن الجن والي رعبني اكتر ان جوز اختي كان حكيلي حاجه حصلتله في مزرعه كان قاعد فيها وطلعتله #نداها واخدتو في مكان بعيد وقعدت افتكر خوفت فعلا وبدأ شعر راسي يقف
كملت طريقي في وسط الاشجار العاليه والظلام البشع واصوات ضفادع مفزعه مصدر صوتها جاي من كل حته حواليا وسامع صوت كلاب بتعوي زي الديب
حاولت اجمد قلبي واحاول اقرأ قرأن مش عارف اجمع بدأت الافكار ترجع تاني وافتكر حكايه العفريت الي طلع للراجل علي هيئه #حمار_اسود خوفت اكتر كملت بردو وانا حاسس ان حاجه ماشيه ورايا في وسط الضلمه محاولتش ابص 👹
كملت فكرت ان اجري واخدت القرار ولسه هجري لقيت حاجه سودا معديه من قدامي بسرعه اووي اييييييييه ده 👤
بدأ جسمي يترعش وشعري يقف فعلا وقفت مكاني وفكرت ده ممكن يكون كلب !بس ازاي دع معملش صوت خالص
اقنعت نفسي ان كلب وكملت وانا ميت من الخوف وبدور علي نور او حد معدي مفييييش
بدأت اقول اعوذ بالله من الشيطان الرجيم واستمريت شويه ونفس الشئ يعدي تاني بس مش بسرعه اووي مش باينله ملامح خالص حاجه سودا دموعي نزلت سعتها وافتكرت قصه #الولد_الي_جاب_كلب_من_الشارع
وكان ملبوس بالجن

كملت طريقي لحد ما لقيت طريق وفي اخر الطريق ده نور بس بعيد اووووي فكرت امشي منه وجايز يوصلني ل أي مدخل للمدينه بس عمري ما مشيت فيه مفرقتش ايه الي هيحصل معايا ومشيت منه
بس الطريق ده كان غريب اووي حاجه كده غريبه رمل بحس اني بغرز وانا ماشي وفي ريحه كريها اووي مش طايقها وطوب كتير اووي مش عارف اي ده كملت ولسه بردو النور بعيد حاولت اجري مش عارف خوفت اتكعبل وانا بجري فضلت ماشي وكلاب محاوطاني من كل حته
ميلت علي الارض ومسكت طوب في ايدي محاولت احدف قولت لو اقربو احدفهم الضلمه سيطرت عليا وحاولت امشي براحه وكانت الكارثه
اي ده طوب كتير واشجار قصيره وزرع اي ده يارب مايكون الي في دماغي
اكتشفت اني معدي من وسط مقابر بتاعت زمان الي بسوا الارض دي
وهنا كانت الكارثه والرعب الحقيقي 👤

انتظرو باقي القصه ..............

#بقلم

#mahmoud_hagag